18+ ՏԵՍԱՆՅՈՒԹ․ Կոռուպցիայի թեմայով ուղիղ եթերի ընթացքում տղամարդը կացնով հարձակվում է Չախոյանի վրա
Ակտիվիստ Արթուր Չախոյանը ֆեյսբուքյան ուղիղ եթերում ահազանգել է Երեւանի քաղաքապետարանի կողմից կոռուպցիայի հերթական դրսեւորման մասին, եւ եթերի ընթացքում ենթարկվել է հարձակման:
Նա ցույց է տվել է տոմետներով բեռնված Կամազը՝ նշելով. «Այս «Կամազը» դուրս է եկել Երեւանի Սայաթ-Նովա-Աբովյան փողոցից: Սրանք այն տոմետներն են, որոնք այդքան ասում եմ՝ գողանում են-գողանում են, պետական գույքը դուրս են գրում:
Տեսեք, սրանք 50 տարուց ավելի ծառայող սալիկներն են, որոնք շատ լավ որակի են: Պետության գույքը բերում են այստեղ պահեստավորում են, տոմետները խնամքով շարել են, որ հետո օգտագործեն, ծախեն։ Սա պետք է Երեւանում լիներ: Տիգրան Ավինյանի վրից տանում են, չնայած ինքը շատ լավ էլ տեղյակ է»:
Տարածքում գտնվող երկու տղամարդ հայհոյելով հարձակվեցին Չախոյանի վրա՝ պահանջելով հեռանալ տարածքից: Նրանք սկսեցին քարեր նետել ակտիվիստի վրա:
«Սա սեփական տարածք չի, դուք երկուսդ էլ դատվելու եք: Քֆուրներիդ համար պատասխան ես տալու: Տեսեք, կացինով հարձակվում է, իմ դեմ մահափորձ են կատարում»,- ասում է Չախոյանը։
Մանրամասները՝ տեսանյութում։
