ՏԵՍԱՆՅՈՒԹ. Գագիկ Մելքոնյանն` իր տան մոտ ռումբի պայթունի մասին
ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը հաստատեց տեղեկությունը, որ իր տան մոտ ռումբ է պայթել:
«Մի 10 օր առաջ եղել է, իրավապահները մինչեւ հիմա զբաղվում են, մեր տան մոտ չի եղել, մեր հարեւանի բակում: Կասկածներ չունեմ:
Պայթյուն է եղել, իրավապահները եկել են, ստուգել են, ամեն ինչ արել են, փորձաքննություն են իրականացնել, դեռ ոչինչ հայտնի չէ»,-ասաց նա:
Հիշեցնենք, որ փետրվարի 26-ին էլ ահազանգ էր ստացվել, որ Գյուլբենկյան 30/3 շենքի բակում ռումբ է դրված և այն պայթելու է։ Նշված հասցեում է տեղակայված «Քաղաքացիական պայմանագիր» կուսակցության գրասենյակը։ Ժամանել էին նաև հրշեջ-փրկարարական և սակրավորական ջոկատներ: Մի ամբողջ բարձրահարկ շենքերի տարածքները սահմանազատվել էին:
Ավելի ուշ ՀՀ ոստիկանապետ Արամ Հովհաննիսյանը հայտարարել էր, որ հայտնաբերվածը պայթուցիկ սարք չի եղել, այլ՝ «մուլյաժ», այն իրենից վտանգ չի ներկայացնում։
