ՏԵՍԱՆՅՈՒԹ. Վրաստանում օդապարիկ է կործանվել. զոհվել են «Իմեդի» հեռուստաալիքի երկու օդաչուները և օպերատորը
Վրաստանում օդապարիկի կործանման հետևանքով զոհվել են «Իմեդի» հեռուստաալիքի երկու օդաչուները և օպերատորը։ Այս մասին հայտնում է Sputnik Gruzia-ն:
Օդաչուներից մեկը Ռևազ Ուտուրգաուրին էր՝ Ազգային ավիացիոն ֆեդերացիայի նախագահը և Sky Travel-ի հիմնադիրը:
«Մենք թռչում ենք ամբողջ Վրաստանով՝ Սև ծովից մինչև Ադրբեջանի սահման: Հեռավորությունը շատ մեծ չէ՝ մոտ 400 կմ: Բայց թռիչքը դժվար է, քանի որ այն հիմնականում անցնում է լեռների վրայով»,- գրել է Ուտուրգաուրին սոցցանցի իր էջում՝ թռիչքից առաջ:
Լրատվամիջոցի հաղորդմամբ՝ օդապարիկը բախվել է էլեկտրահաղորդման գծին։ Միջադեպը տեղի է ունեցել Թբիլիսիից 15 կմ դեպի հարավ–արևմուտք` Քվեմո Քարթլի շրջանի Ասուրեթի գյուղում։
Հայտնի է, որ օդապարիկը պետք է պտույտ իրականացներ Փոթի նավահանգստային քաղաքից Կախեթի շրջան` մինչև Ադրբեջանի հետ սահման։
