Արհեստական բանականությունն իր նշանակությամբ համեմատվում է գրերի գյուտի հետ. Քերոբյան

Արհեստական բանականությունն իր նշանակությամբ համեմատվում է ոչ թե, օրինակ՝ էլեկտրականության կամ ինտերնետի գյուտի հետ, այլ գրերի գյուտի հետ, այսինքն՝ շրջադարձային նշանակություն ունի թե՛ տնտեսության, թե՛ մարդկության համար: Այս մասին «Արհեստական բանականությունը բիզնեսի համար» խորագրով համաժողովին հայտարարել է Էկոնոմիկայի նախարար Վահան Քերոբյանը։

«Կոնֆերնասը կարևոր է նրանով, որ համընկնում է մեր տնտեսական քաղաքականության գլխավոր նպատակի հետ, դա աշխատանքի արտադրողականության բարձրացումն է»,-ասել է նա և կոչ արել, որպեսզի Հայաստանում գործող բիզնեսն օգտվի կոնֆերանսի լավ հնարավորությունից՝ արտադրողականությունն ավելացնելուն ուղղված քայլերի և մրցունակությունը բարձրացնելու ուղղությամբ։

Քերոբյանը  տեղեկացրել է նաև, որ նախորդ շաբաթ կառավարությունն ընդունել է ծրագիր, որով նախատեսում են «տրադիցիոն ընկերություններին» օգնել թվային տրանսֆորմացիայի, այդ թվում նաև արհեստական բանականությունն իրենց ընկերություներում կիրառելու համար։