Yandex-ը համաձայնել է վաճառել բիզնեսի մի մասը։ Ավելի ճիշտ՝ համաձայնել է ընկերության բաժանման սխեմայի շուրջ։ Այս մասին հայտնում են ռուսական լրատվամիջոները։

Մինչև հուլիսի 31-ը «եվրոպական» Yandex-ը (Yandex N.V.) կփոխի իր անունը և կդադարի օգտագործել նախորդ ընկերության ապրանքանիշերը։

«Ռուսական» Yandex-ը կշարունակի զարգացնել մեզ ծանոթ բոլոր որոնողական, քաղաքային, զվարճանքի և այլ ծառայությունները: Եվ նաև արհեստական ինտելեկտի տեխնոլոգիաները։ Օգտատերերի և գործընկերների համար ոչինչ չի փոխվի:

Մասնավոր ներդրողների և ընկերությունների մենեջերների կոնսորցիումը ստանում է ընկերության ռուսական մասը 475 միլիարդ ռուբլով։

«Հայաստանի օգտատերերի համար կարևոր ասպեկտը մնում է այն, որ գործարքը չի ազդի այս տարածաշրջանում ծառայությունների շահագործման վրա և ընկերության տվյալների պաշտպանության քաղաքականության վրա»,- ասվում է Yandex մամուլի հաղորդագրության մեջ։ Ընկերությունը վստահեցրել է, որ Yandex վերակազմավորումից հետո կմնա մասնավոր, անկախ և հանրային ընկերություն։