Իսպանացի ֆերմերները նույնպես կմիանան ցույցերին. Եվրոպայում դժգոհությունները տարածվում են
Գերմանիայում և Ֆրանսիայում անցկացվող բողոքի ցույցերին կմիանան իսպանացի ֆերմերները։ Դժգոհությունը տարածվում է ամբողջ Եվրոպայում։ Այս մասին հայտնում է Bloomberg-ը։
Իսպանական ֆերմերների ասոցիացիաները հայտարարել են, որ մտադիր են փետրվարին փողոց դուրս գալ՝ բողոքելու եվրոպական կոշտ կանոնակարգերի և կառավարության աջակցության բացակայության դեմ:
Գերմանիայում ֆերմերները շարունակում են արգելափակել երկրի հիմնական մայրուղիները, որոշ ճանապարհներ պարբերաբար գոմաղբով են լցվում։
Բեռլինում և Շտուտգարտում բողոքի ակցիաները ժամ առ ժամ ուժեղանում են: Այսպիսով, ֆերմերները փակում են գլխավոր մայրուղիները, որոնցից մեկն արդեն ողողված է կենդանիների թափոններով։ Ի թիվս այլ բաների, նրանք շարունակում են բերել գյուղտեխնիկան՝ փակելով երթևեկությունը։
Նմանատիպ բողոքի ակցիաներն ուժեղանում են նաև ԵՄ այլ երկրներում։ Ֆերմերները դժգոհ են իշխանությունների վարած քաղաքականությունից, որի արդյունքում բարձրանում են վառելիքի գները, հարկերը, իսկ արտադրանքի արժեքի, մենաշնորհների և ակցիզների պատճառով նրանց եկամուտները պարբերաբար նվազում են:
