«Ձեր քաղաքապետ եղած ժամանակ գնված Գազելների կեսն ինչո՞ւ է փչացել»․ Գալջյանը` Մարությանին
Երևանի ավագանու ՔՊ խմբակցության ղեկավար Արմեն Գալջյանը մայրաքաղաքի բյուջեի նախագծի քննարկումների ժամանակ հայտարարեց, որ երբ խոսվում է անարդյունավետ ծախսերից, հիշում է 2019թ․ ձեռք բերված Գազելները, որոնց կեսն արդեն փչացել է։
«Պարոն Մարության, կխնդրեմ վերադառնաք դահլիճ և մյուս հարցի ժամանակ Ձեր ելույթից օգտվեք և երևանցիներին բացատրեք, թե Ձեր քաղաքապետ եղած ժամանակ գնված Գազելների կեսն ինչո՞ւ է փչացել»,- Հայկ Մարությանին հարց ուղղեց Գալջյանը, որն իր ելույթից հետո լքել էր դահլիճը։
