ԼՈՒՍԱՆԿԱՐ․ Ռուսալեզու քրեական դաջվածքներ՝ Արգենտինայի նորընտիր նախագահի խորհրդականի ձեռքին

Արգենտինայի նախագահի խորհրդական Սանտյագո Կապուտոյի մարմնի վրա ռուսերեն լեզվով «բանտային» դաջվածքներ կան։ Այս մասին հայտնում է Noticias պորտալը։ Տեղեկությունը փոխանցում է gazeta.ru-ն։

«Կապուտոյի մեկ այլ առանձնահատկությունն այն է, որ նրա մարմինը ծածկված է ռուսալեզու դաջվածքներով, որոնք նա վերցրել է ընկերոջ կողմից իրեն նվիրված գրքից, և որոնք դարձել են այս շրջանի նշանավորումը նրա ողջ կյանքի համար (բառացիորեն)»,-  ասվում է հրապարակման մեջ:

Պարբերականի տվյալներով՝ գիրքը կոչվում է «Ռուսական քրեական դաջվածքների հանրագիտարան» ("Russian Criminal Tattoo Encyclopaedia") և բաժանված է երեք հատորի՝ կարմիր, կապույտ և մանուշակագույն գույների:

X սոցիալական ցանցի օգտատերերը հրապարակել են Կապուտոյի լուսանկարը, որտեղ նրա նախաբազկի վրա հստակ երևում է ռուսերեն գրությունը՝ «Տունն, ամառանոցն ու անձնագիրքը, նավակը, մեքենան և ավտոտնակը կհանգստացնեն իմ ցանկությունները»  (Խմբ․ «Хата, дача и сберкнижка, катер, тачка и гараж успокоит мою блаж»)։