Եղանակն այսօր

Այսօր ցերեկը Հայաստանի առանձին շրջաններում սպասվում են տեղումներ և մառախուղ, լեռնային շրջաններում՝ թաց ձյուն։ Այս մասին հայտնում է Հիդրոօդերևութաբանության և մոնիտորինգի կենտրոնը։

Օդի ջերմաստիճանը դեկտեմբերի 14-16-ը Լոռիում, Տավուշում, Սյունիքում կբարձրանա 9-11 աստիճանով։

Այսօր առավոտյան Երևանում անձրև կգա, որը կդադարի ցերեկային ժամերին։ Ապա երեք օր ամբողջ հանրապետությունում առանց տեղումների եղանակ կլինի։

Այսօր մայրաքաղաքում ցերեկային ժամերին օդի ջերմաստիճանը կտատանվի 9-11 տաքության, գիշերը` 0-2 աստիճան ցրտի սահմանում։