«Հունաստանի ջանքերի շնորհիվ Հայաստանն այսօր հրավիրված է Արտաքին գործերի նախարարների խորհուրդ». ԱԳ նախարար

Հունաստանի արտաքին գործերի նախարար Գիորգոս Գերապետիտիսի Եվրամիության արտաքին հարաբերությունների խորհրդին մասնակցության մեկնարկից առաջ խոսել է հայ-հունական և Հայաստան-ԵՄ հարաբերություններից։

«Մենք այսօր արտաքին հարաբերությունների խորհուրդ ենք եկել ծանր ու կարևոր օրակարգով։ Սկսելու ենք Հայաստանի և Եվրամիության միջև հարաբերությունների հարցից։ Հունաստանը ողջունում է Հարավային Կովկասում ներկայումս ընթացող խաղաղության գործընթացը։ Հունաստանի ջանքերի շնորհիվ Հայաստանն այսօր հրավիրված է Արտաքին գործերի խորհուրդ՝ ներկայացնելու ավելի լայն տարածաշրջանում կայուն խաղաղությանը միտված դիրքորոշումները։ Ես անձամբ երկար զրուցել եմ Հայաստանի արտաքին գործերի նախարարի հետ և մտադիր եմ մոտ ապագայում այցելել Հայաստան, ինչպես նաև այսօր հնարավորություն կունենամ տեսնելու երկու երկրների՝ և՛ Հայաստանի, և՛ Ադրբեջանի արտաքին գործերի նախարարներին», - հայտարարել է Գերապետիտիսը։