Սպիտակ տան ներկայացուցիչը ծիծաղել է ընտրություններին մասնակցելու Պուտինի որոշման վրա

Սպիտակ տան Ազգային անվտանգության խորհրդի ներկայացուցիչ Ջոն Քիրբին հայտարարել է, որ 2024 թվականին Ռուսաստանում կայանալիք նախագահական ընտրություններում «լինելու է այնպիսի մրցավազք, ինչպիսին պետք է»: Այսպես է նա մեկնաբանել Ռուսաստանի նախագահ Վլադիմիր Պուտինի՝ նոր ժամկետով առաջադրվելու որոշումը։ 

«Դե, դա կլինի այնպիսի մրցավազք, ինչպիսին պետք է, այնպես չէ: Դա այն ամենն է, ինչ ես կարող եմ ասել այդ կապակցությամբ»,- ծիծաղելով ասել է Քիրբին՝ պատասխանելով համապատասխան հարցին։

Պուտինը դեկտեմբերի 8-ին հայտարարել է 2024 թվականի նախագահական ընտրություններին մասնակցելու մտադրության մասին: Ընտրություններին մասնակցելու խնդրանքով Պուտինին է դիմել Դոնեցկի խորհրդարանի խոսնակ Արտյոմ Ժոգան․ նախագահը պատասխանել Է համաձայնությամբ: