Ողբերգական դեպք՝ Երևանում․ սեփական տան վերելակի հորանում հայտնաբերվել է տղամարդու դի

Երեկ՝ դեկտեմբերի 6-ին, արտակարգ դեպք է տեղի ունեցել Երևանում: Ժամը 23:05-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Շահումյան 7-րդ փողոցի նրբանցքներից մեկի տան վերելակի հորանում քաղաքացի է մահացել:

Shamshyan-ի հաղորդմամբ՝ դին դուրս բերելու համար ոստիկանությունը դիմել է ՀՀ ՆԳՆ Փրկարար ծառայություն, որտեղից ժամանել է հրշեջ-փրկարարական ջոկատից 1 մարտական հաշվարկ:

Դեպքի փաստով Մալաթիայի քննչական բաժնում «սպանության» հատկանիշներով նախաձեռնվել է քրեական վարույթ: