Դինքին սպանած Օգյուն Սամասթը 16 տարի բանտում անցկացնելուց հետո կրկին դատարանի առաջ է կանգնել
Հրանտ Դինքի սպանության իրագործման համար 16 տարի բանտում անցկացնելուց հետո «լավ վարքի» համար ազատ արձակված Օգյուն Սամասթը դատարանի առաջ է կանգնել Թուրքիայում ահաբեկչական հռչակված «Գյուլենական շարժման» անդամ լինելու մեղադրանքով։
Թուրքական BirGun կայքի փոխանցմամբ՝ Ստամբուլի ծանր հանցագործությունների գործերով 14–րդ դատարանում սկսվել է Օգյուն Սամասթի դեմ նոր դատական գործը լսումները, ըստ որի նա մեղադրվում է ահաբեկչական «Գյուլենական շարժման անդամ լինելու» եւ այդ կառույցի կողմից հրահանգով Դինքի սպանությունն իրականացնելու մեղադրանքով։
Օգյուն Սամասթը դատական նիստին Տրապիզոնի դատարանից է մասնակցել տեսակապի միջոցով։ Դատական նիստին մասնակցել են նաեւ Դինքի փաստաբանները եւ լրագրողներ։
Դատարանը որոշում է կայացրել Օգյուն Սամասթին արգելել երկրից դուրս գալ։
