![Բլինքենն ու Ալիևը քննարկել են Երևանի և Բաքվի միջև խաղաղության պայմանագրի կնքման հնարավորությունը](https://auroranews.am/storage/img/base_image/2023-11-28/65656aa7b7ad1.webp)
Բլինքենն ու Ալիևը քննարկել են Երևանի և Բաքվի միջև խաղաղության պայմանագրի կնքման հնարավորությունը
![Բլինքենն ու Ալիևը քննարկել են Երևանի և Բաքվի միջև խաղաղության պայմանագրի կնքման հնարավորությունը](https://auroranews.am/storage/img/base_image/2023-11-28/65656aa7b7ad1.webp)
ԱՄՆ պետքարտուղար Էնթոնի Բլինքենը երկուշաբթի օրը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում նա աջակցություն է հայտնել Երևանի և Բաքվի միջև խաղաղության պայմանագրի կնքմանն ուղղված ջանքերին, հաղորդում է Պետդեպարտամենտի մամուլի ծառայությունը։
«Կողմերը քննարկել են ԱՄՆ-ի աջակցությունը Հայաստանի և Ադրբեջանի միջև կայուն խաղաղության համաձայնագրի հասնելու ջանքերին», – հաղորդում է ամերիկյան դիվանագիտական ծառայությունը։
Զրույցի ընթացքում, ինչպես նշվում է, Բլինքենը հաստատել է Միացյալ Նահանգների շարունակական աջակցությունը Հայաստանի ինքնիշխանության և տարածքային ամբողջականության հարցում։ Ամերիկյան դիվանագիտության ղեկավարը Ադրբեջանի նախագահին տեղեկացրել է նաև Հայաստանի հետ գործընկերությունն ընդլայնելու Վաշինգտոնի ջանքերի մասին՝ հանուն նրա «բարեկեցիկ ժողովրդավարական ապագայի»։