5 նոր սուրճի սեղան․ մեկ անձից գնում՝ նախագահի աշխատակազմի համար․ «Հրապարակ»
Հանրապետության նախագահի աշխատակազմը մեկ անձից գնման ընթացակարգով 5 սուրճի սեղան է գնել։ Այս մասին գրում է «Հրապարակ» թերթը։
«Քանի որ մեկ անձից գնման ընթացակարգը հրատապ գնման համար է, կարելի է ենթադրել, որ նախագահականում շտապ սրճախմության անհրաժեշտություն է առաջացել, սակայն համապատասխան կահույք առկա չի եղել, ուստի որոշել են մեկ անձից, առանց մրցույթի ձեռք բերել։ Ձեռք բերված սուրճի սեղանների մեկ միավորի արժեքը 47 հազար 500 դրամ է, ընդհանուրի համար վճարվել է 237 հազար 500 դրամ։ Ուրախ ենք, որ այսուհետ ՀՀ նախագահը հյուրերի մոտ սեւերես չի մնա, նորմալ կնստեն` սուրճ կխմեն։ Մանավանդ որ որեւէ այլ գործով այս հիմնարկում չեն զբաղվում»,- գրել է թերթը:
