ՏԵՍԱՆՅՈՒԹ․ Սամվել Բաբայանը ցանկանում է գալ քննիչ հանձնաժողով, Ջալալին սպասում ենք․ Քոչարյան

Ինձ համար բացահայտվել են իրողություններ, որոնք մեկ այլ հարթակում որևէ մեկն իրավասու չէր ստանալու։ Այս մասին 44-օրյա պատերազմի հանգամանքներն ուսումնասիրող Արցախի նախագահ Սամվել Շահրամանյանի մասնակցությամբ հանձնաժողովի նիստից հետո լրագրողների հետ զրույցում հայտնեց հանձնաժողովի նախագահ Անդրանիկ Քոչարյանը։

«Ինձ համար բացահայտվել են իրողություններ, որոնք մեկ այլ հարթակում որևէ մեկն իրավասու չէր ստանալու։ Ես հիմա հասկացա, թե Արծվիկ Մինասյանը ինչի չէր ցանկանում, որ Արցախի նախագահի քննիչ հանձնաժողովի նիստին մասնակցելը դառնա իրողություն»,- ասաց նա։  

Քոչարանը նշեց, որ խոսքը հետպատերազմյան իրադարձությունների մասին է, քանի որ 44-օրյա պատերազմը միայն դրանով չի ավարտվում, պատերազմից հետո տեղի են ունեցել իրադարձություններ, որոնք անմիջականորեն կապված են 44–օրյա պատերազմի օրերի և Լեռնային Ղարաբաղից հայերի բռնի տեղահանման ժամանակահատվածի հետ։

«Կարող եմ ասել, որ պարոն Շահրամանյանը եղել է մաքսիմալ անկեղծ։ Այնպիսի հարցեր ենք քննարկել, որոնց նույնիսկ քննարկման ենթակա չեն»,-ասաց Քոչարյանը։

Նշենք, որ Արցախի նախագահ Սամվել Շահրամանյանը մասնակցել է 44-օրյա պատերազմի հանգամանքներն ուսումնասիրող Ազգային ժողովի քննիչ հանձնաժողովի նիստին, որն ընթացել է փակ ձևաչափով։