ՏԵՍԱՆՅՈՒԹ․ Չեմ վախենում ասել, որ ժողովրդավարությունը շատ դեպքերում խանգարում է երկրի անվտանգությանը․ Սերժ Սարգսյան

Թիրախավորումներն ինձ համար սովորական երեւույթ են արդեն 30 տարուց ավելի: Այս մասին լրագրողների հետ զրույցում ասաց ՀՀ երրորդ նախագահ Սերժ Սարգսյանը:

«Ավանդաբար դա սկսել են անել ադրբեջանցիները, այնուհետեւ 1990-ականների կեսերին նրանց ձայնակցել են նաեւ տեղացիները, իսկ հիմա առանձնապես ոչինչ չի փոխվել: Այդ երգչախմբին միացել են նոր ձայներ՝ նոր տոյանությամբ: Չգիտեմ՝ իրենք գիտակցո՞ւմ են, որ իրենց համարելով ընդդիմադիր, ջուր են լցնում Հայաստանի կառավարիչների ջրաղացին: Այս նույնը առանձին առանձնահատկություններով վերաբերում է նաեւ ՀՀԿ-ին»,- նշեց Սերժ Սարգսյանը:

Նա, սակսայն, ընդգծեց, որ ամենակարևորն այսօր դա չէ։

«Իմ կարծիքով՝ ամենակարևորը դա չէ, ամենակարևորն այն է, որ թիրախավորվել է Հայաստանի Հանրապետությունը, թիրախավորվել  է մեր պետությունն ու պետականությունը»,- ընդգծեց երրորդ նախագահը։

Նա նաև անդրադարձավ ներկա իշխանությունների վարած քաղաքականությանը։

«Այո՜, չեմ վախենում ասել, որ ժողովրդավարությունը շատ դեպքերում խանգարում է երկրի անվտանգությանը»,- ասաց Սարգսյանը։