Փաշինյանը հույս ունի, որ մոտ ապագայում Ռուսաստանի հետ խնդիրները կքննարկվեն ամենաբարձր մակարդակով
Վարչապետ Նիկոլ Փաշինյանն ասել է, որ հույս ունի մոտ ապագայում ամենաբարձր մակարդակով քննարկել Ռուսաստանի հետ երկկողմ հարաբերություններում առկա խնդիրները։
«Մենք պատրաստ ենք շարունակել և ակտիվացնել քննարկումները։ Հուսով եմ, որ մոտ ապագայում մենք ավելի բարձր կամ ամենաբարձր մակարդակով քննարկումների առիթ կունենանք»,- ասել է վարչապետը՝ Հանրայինի ուղիղ եթերում պատասխանելով ՀՀ քաղաքացիների հարցերին։
Փաշինյանի խոսքով՝ Երևանը Մոսկվայի հետ հարաբերություններից ակնկալում է փոխըմբռնում և փոխադարձ հարգանք շահերի, ինքնիշխանության, անկախության և պարտավորությունների նկատմամբ։
Նախօրեին Կրեմլի խոսնակ Դմիտրի Պեսկովը հույս էր հայտնել, որ Հայաստանը կմնա Ռուսաստանի դաշնակիցը։
