Հայաստանը Ռուսաստանին համարում է բարեկամ երկիր, որի հետ հարցերը պետք է լուծվեն հաշվի առնելով ընդհանուր շահերը

Հայաստանը, ինչպես նախկինում, Ռուսաստանին համարում է բարեկամ երկիր: Այս մասին ասել է ՀՀ վարչապետ Նիկոլ Փաշինյանը։ Նա նշել է, որ բոլոր հարցերը պետք է լուծվեն փոխադարձ հարգանքի մթնոլորտում՝ հաշվի առնելով ընդհանուր շահերը։

«Մենք Ռուսաստանի Դաշնությունը համարել և համարում ենք բարեկամ երկիր, իսկ բարեկամ երկրների հետ հարաբերություններում կան հարցեր, որոնք պետք է լուծվեն, և մենք առաջնորդվում ենք այս տրամաբանությամբ, և հուսով ենք և կանենք ամեն ինչ, որ մեր հարաբերությունները Ռուսաստանի Դաշնության հետ կառուցվեն փոխադարձ հարգանքի և փոխադարձ շահերի, ինքնիշխանության, անկախության հարգման տրամաբանության մեջ»,- ասել է նա։