Եգիպտոսի նախագահը կոչ է անում ստեղծել ապառազմականացված պաղեստինյան պետություն
Եգիպտոսի նախագահ Աբդել Ֆաթահ աս-Սիսին Իսպանիայի և Բելգիայի վարչապետների հետ Կահիրեում կայացած մամուլի ասուլիսի ժամանակ հույս է հայտնել, որ Իսրայելի բանակի և պաղեստինյան ՀԱՄԱՍ շարժման միջև քառօրյա զինադադարը կշարունակվի։
«Մենք հուսով ենք, որ հրադադարը կերկարաձգվի, որ օգնության հոսքը շարունակվի Գազա», - ասել է նա:
Եգիպտոսի նախագահը նաև առաջարկել է ստեղծել ապառազմականացված պաղեստինյան պետություն, որը գոյություն կունենա իսրայելականի կողքին՝ միջազգային ուժերի վերահսկողության ներքո։
«Մենք պատրաստ ենք Պաղեստինի ապառազմականացմանը, և դրա համար երաշխիքներ կլինեն՝ ի դեմս ՆԱՏՕ-ի ուժերի, ՄԱԿ-ի, արաբական ուժերի, ամերիկյան ուժերի»,- ասել է Աս-Սիսին:
