Պեսկովն անդրադարձել է Հայաստանի հետ հարաբերություններին
ՌԴ նախագահի մամուլի քարտուղար Դմիտրի Պեսկովը, մեկնաբանելով Մինսկում ՀԱՊԿ գագաթնաժողովում Հայաստանի ներկայացուցիչների բացակայությունը, հույս է հայտնել, որ Հայաստանը չի փոխում իր արտաքին քաղաքականության ուղղությունները: Տեղեկությունը փոխանցում է ՌԻԱ Նովոստին։
«Մենք հույս ունենք, որ Հայաստանը չի փոխում իր արտաքին քաղաքականության վեկտորները, Հայաստանը մնում է մեր դաշնակիցը, մեր ռազմավարական գործընկերը և՛ երկկողմ, և՛ բազմակողմ ձևաչափերում փոխգործակցության առումով։ Մենք կշարունակենք խոսել նրանց հետ»,-ասել Է Պեսկովը։
Հիշեցնենք՝ ավելի վաղ Պեսկովը նշել է, որ ՀԱՊԿ երկրների ղեկավարները գագաթնաժողովի ընթացքում հավանաբար կքննարկեն «հայկական գործոնը և կմտածեն, թե ինչպես հետագայում վարվել դրա հետ»:
