ԱՄՆ-ի օդանավակայանը դադարեցրել է միջազգային թռիչքները․ հայտնի է պատճառը
Նյու Յորքի Բուֆալո Նիագարայի միջազգային օդանավակայանը դադարեցրել է թռիչքների սպասարկումը Կանադայի հետ սահմանին կամրջի վրա տեղի ունեցած պայթյունից հետո։ Այս մասին հայտնում է «ՌԻԱ Նովոստի»-ն՝ հղում անելով ԱՄՆ Քաղաքացիական ավիացիայի դաշնային վարչության հրապարակած ծանուցմանը։
Նշվում է, որ օդանավակայանում սահմանված սահմանափակումները վերաբերում են միայն միջազգային չվերթներին։
Ավելի վաղ՝ Սպիտակ տունը հայտնել էր, որ Բայդենը և նրա վարչակազմը ուշադիր հետևում են զարգացումներին։
Մինչ այս՝ Կանադայի վարչապետ Ջասթին Թրյուդոն, ելույթ ունենալով խորհրդարանում, հայտարարել է ԱՄՆ-ի հետ սահմանային անցակետերում անվտանգության միջոցառումների ուժեղացման մասին։
