Իսակովի պողոտա-Հաղթանակ կամուրջ հատվածում երթևեկությունը կաթվածահար է եղել. քաղաքացիներն ահազանգում են
Այսօր առավոտից կաթվածահար է երթևկությունը Իսակովի պողոտա-Հաղթանակ
կամուրջ հատվածում: Կամուրջը շուրջ 20 րոպեով փակվել է:
Ֆեյսբուքյան օգտատերերից մեկը լուսանկարներ է հրապարակել եւ գրել. «Իսակովի պողոտայում երթևեկությունը ամբողջությամբ կաթվածահար է եղել, մարդիկ ստիպված դուրս են գալիս մեքենաներից ու ոտքով են շարունակում ճանապարհը: Խցանումը հասնում է մի քանի կիլոմետրի: Պարզվել է, որ Պարեկային ծառայությունը փակել է կամուրջը: Ոստիկանությունից հայտնել են, որ դա պայմանավորված է արարողակարգով:
Երբ արդեն ճանապարհը բացվեց, մեքենաների վարորդներն ի նշան դժգոհություն,
բողոքի, պարեկային ծառայության աշխատակիցների կողքով անցնելիս ձայնային ազդանշաններ
էին տալիս»,-գրել է նա:
