Ինչու են Արայիկ Հարությունյանի ներկայացուցչին կանչել հարցաքննության. նոր մանրամասներ. «Ժողովուրդ»

ՀՀ քննչական կոմիտեում Արցախի նախկին նախագահ Արայիկ Հարությունյանի՝ անվտանգության և տարհանվածների հարցերով ներկայացուցիչ Վահան Բադասյանին հարցաքննել են ՀՀ քրեական օրենսգրքի 330 հոդվածի շրջանակներում (Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութեր կամ առարկաներ տարածելը): Այս մասին հայտնում է «Ժողովուրդ» օրաթերթը՝ հղում տալով իր տեղեկություններին:

 «Մեզ հայտնի դարձավ, որ նա իր սոցիալական էջում հրապարակային խոսք է գրել, որը, ըստ իրավապահների, բռնության կոչ է, իսկ թե կոնկրետ որ գրառման համար են նրան տարել հարցաքննության, առայժմ չկարողացանք պարզել»,- գրում է օրաթերթը:

Նշվում է, որ հարցաքննության կանչելու մասին տեղեկությունը հաստատել է Բադասյանի պաշտպան Ռաֆայել Մարտիրոսյանը։ Իսկ թե ինչ քրեական գործով են Բադասյանին կանչել հարցաքննության, պաշտպան Մարտիրոսյանը չի մանրամասնել