Հայաստանը պետք է հասկանա, որ խաղաղության արմատներն այստեղ են, այլ ոչ թե Վաշինգտոնում, Բրյուսելում, Փարիզում․ Հաջիև

Հայաստանը պետք է հասկանա, որ խաղաղության արմատներն այստեղ են, այլ ոչ թե Վաշինգտոնում, Բրյուսելում և Փարիզում։ Այս մասին հայտարարել է Ադրբեջանի նախագահի օգնականը։ Հայտնում են ադրբեջանական ԶԼՄ-ները։

«Հայաստանը պետք է հասկանա, որ խաղաղության արմատները, սերմերն այստեղ են, այլ ոչ թե Վաշինգտոնում, Բրյուսելում և Փարիզում»,- լրագրողներին հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության հարցերով բաժնի վարիչ Հիքմեթ Հաջիևը: 

Նա նշել է, որ այդ խաղաղությունն առաջ տանելու, լուրջ հաջողությունների հասնելու համար Հայաստանը պետք է նայի տարածաշրջանի ներսում, շարունակի բանակցությունները Ադրբեջանի հետ։

«Մեր երկրի ինքնիշխանությունն ապահովվել է, տարածաշրջանում ձևավորվել է նոր ստատուս քվո, և այդ ստատուս քվոն լեգիտիմ է՝ հիմնված արդարության, միջազգային իրավունքի վրա։ Նախորդ ստատուս-քվոն, որը Հայաստանը ստեղծել էր ադրբեջանական հողերը օկուպացնելով, պաշտպանում էին նաև Հայաստանին աջակցող Մինսկի խմբի անդամները, անարդար էր և անընդունելի»,- նշել է նա: