Ինչու է ՔՊ–ից հեռացվել Թաթուլ Ասիլյանը. որոշումը խորը արմատներ ունի. մանրամասներ. «Ժողովուրդ»
ՔՊ-ում մեծ ուրախությամբ են ընդունել Թաթուլ Ասիլյանի հեռացումը ու գոհ են մնացել վարչության որոշումից: Այս մասին գրում է «Ժողովուրդ» օրաթերթը:
Նշվում է, որ օրաթերթին նոր մանրամասներ են հայտնի դարձել Թաթուլ Ասիլյանի հեռացման պատճառների մասին: «Ինչպես մեր աղբյուրներն են փոխանցում, պատճառն ամենևին էլ արցախցիների մասին գրառումը չի եղել. այնպես չէ, որ ՔՊ-ում այդքան զգայուն ու անհանդուրժող են արցախցիների մասին վատ գրառումների նկատմամբ: Մեր տեղեկություններով՝ Թաթուլ Ասիլյանի հեռացման պատճառներն ավելի խորը արմատներ ունեն:
Պարզվում է՝ նա ոչ այնքան կարկառուն ՔՊ-ականների հետ մշտապես խնդիրներ է ունեցել, հաճախ վիճել է նրանց հետ: ՔՊ-ականներն էլ պարբերաբար վարչության անդամների մոտ դժգոհել են Ասիլյանից ու պատմել նրա անվայելուչ պահվածքի մասին: Ի վերջո, Նիկոլ Փաշինայնն էլ վարչության անդամների հետ քննարկումների արդյունքում որոշել է հեռացնել նրան»,– գրում է օրաթերթը:
Հիշեցնենք, որ ՔՊ վարչության որոշմամբ՝ նոյեմբերի 13-ին Թաթուլ Ասիլյանը հեռացվել է կուսակցությունից:
