Արմեն Աշոտյանը կմնա կալանավորված. պաշտպանների բողոքը մերժվել է. փաստաբան
ՀՀԿ–ական, Կրթության, գիտության նախկին նախարար Արմեն Աշոտյանը կմնա կալանավորված: Այս մասին ֆեյսբուքյան իր էջում տեղեկացրել է փաստաբան Ռուբեն Մելիքյանը:
«Վերաքննիչի դատավոր Սերգեյ Մարաբյանի որոշմամբ՝ Արմեն Աշոտյանի պաշտպանների բողոքը մերժվել է և նրա նկատմամբ կիրառված կալանքը թողնվել է անփոփոխ։ Որոշումը դեռ չենք ստացել»,- գրել է նա։
Հիշեցնենք, որ հոկտեմբերի 11-ին Արմեն Աշոտյանի կալանքը 3 ամսով երկարացվել էր։ ՀՀԿ փոխնախագահին մեղադրանք է առաջադրվել դեռ 2022 թվականի նոյեմբերին՝ պաշտոնեական լիազորությունները չարաշահելու և փողերի լվացման համար։
