Պենտագոնն օգտագործում է ռուսական նավթամթերք` չնայած պատժամիջոցներին. WP

Պենտագոնն օգտագործում է ռուսական նավթամթերք` չնայած սահմանված պատժամիջոցներին։ Այս մասին հայտնում է Washington Post-ը։

 Հրատարակությունը գրում է, որ հետաքննություն է անցկացրել, որը ցույց է տվել, որ Հունաստանում գտնվող Motor Oil Hellas նավթավերամշակման գործարանը, որը ԱՄՆ-ի բանակի մատակարարներից մեկն է, կարող է ռուսական մազութ ստանալ բազմաբաղադրիչ շղթայի միջոցով։

 Նշվում է, որ շղթայում առկա են թրեյդեր ԱՄԷ-ից և թուրքական տերմինալ։ Արդյունքում ռուսական նավթը վերաբրենդավորվում է և մատակարարվում ԱՄՆ-ի բանակին և այլ երկրներին, որոնք արգելք են դրել ռուսական նավթամթերքի վրա։

 Ավելի վաղ ԱՄՆ գանձապետարանը կառավարող ընկերություններին հարցում էր ուղարկել 100 տանկերի հարցում, որոնք իբր արտահանման համար նախատեսված ռուսական նավթ են տեղափոխում՝ շրջանցելով Արևմուտքի կողմից սահմանված պատժամիջոցները։