Մենք գնում ենք այնտեղ, որտեղ կարևոր ենք համարում. Արմեն Գրիգորյանը` Բաքվի հետ բանակցությունները Մոսկվայում չանցկացնելու մասին

ՀՀ ԱԽ քարտուղար Արմեն Գրիգորյանը Հանրայինի եթերում հայտարարել է, որ Հայաստանը պատրաստ է շարունակել բանակցություններն Ադրբեջանի հետ և մինչև տարեվերջ ստորագրել խաղաղության պայմանագիրը։

« Հնարավորություն կա նաև այլ մակարդակում՝ Վաշինգտոնում բանակցությունները շարունակելու, Հայաստանը պատրաստակամ է և, հուսամ, այդպիսի հանդիպում տեղի կունենա»,- նշել է նա՝ տեղեկացնելով, որ Վաշինգտոնյան հնարավոր հանդիպման մասին քննարկվել է Պետդեպարտամենտի խոսնակ Լուի Բոնոյի վերջերս տարածաշրջան կատարած այցի ժամանակ։

Հարցին` ինչու է  Երևանը հրաժարվում Բաքվի հետ բանակցությունները շարունակել Մոսկվայում, Գրիգորյանը ասել է.  «Մենք գնում ենք այնտեղ, որտեղ կարևոր ենք համարում, որտեղ այս պահին տեսնում ենք հնարավորություններ և որտեղ մեզ հստակ առաջարկներ են արվել»։