Անջելինա Ջոլին ահազանգում է. Գազայի հատվածը վերածվում է զանգվածային գերեզմանի
Գազայի հատվածը վերածվել է զանգվածային գերեզմանի: Այս մասին ասել է դերասանուհի, ՄԱԿ-ի բարի կամքի նախկին դեսպան Անջելինա Ջոլին Instagram-ի իր էջում:
«Սա միտումնավոր ռմբակոծություն է թակարդում գտնվող բնակչությանը, որը փախչելու տեղ չունի: Գազան՝ շուրջ երկու տասնամյակ բաց երկնքի տակ գտնվող բանտը, արագորեն վերածվում է զանգվածային գերեզմանի։ Սպանվածների 40%-ը անմեղ երեխաներ են»,- գրել է նա:
Նրա խոսքով` ամբողջ աշխարհի առջև և բազմաթիվ կառավարությունների ակտիվ աջակցությամբ միլիոնավոր պաղեստինցիներ կոլեկտիվ պատժվում են, զրկված են սննդից, դեղորայքից և մարդասիրական օգնությունից, որը միջազգային իրավունքի կոպիտ խախտում է:
