Երևանում բախվել են 48 երթուղին սպասարկող ավտոբուսը և Toyota Camry-ն. կան վիրավորներ
Այսօր տեղեկատվություն է տարածվել այն մասին, որ ժամը 08:50-ի սահմաններում Անդրանիկի փողոցում բախվել են Toyota Camry մակնիշի ավտոմեքենան ու թիվ 48 երթուղին սպասարկող ավտոբուսը:
Նշվում է, որ վթարի հետևանքով 3 անձ մարմնական վնասվածքներով տեղափոխվել են հիվանդանոց, իսկ 6 անձ, ովքեր ավտոբուսի ուղևորներ են եղել, տեղում առաջին բուժօգնություն են ստացել շտապօգնության բժիշկների կողմից:
Auroranews-ը կապ է հաստատել Ոստիկանության և Քննչական կոմիտեի հետ դեպքի առնչությամբ տեղեկատվություն ստանալու համար: Մեզ հայտնեցին, որ դեպքի մանրամասները ճշտվում են, տեղեկատվությունը կփոխանցեն քիչ ավելի ուշ:
