ՏԵՍԱՆՅՈՒԹ. ՀԱՄԱՍ-ի մի քանի հրթիռներ ընկել են Թել Ավիվում և հարակից շրջաններում. ԶԼՄ
ՀԱՄԱՍ-ի մի քանի հրթիռներ ընկել են Թել Ավիվում և հարակից շրջաններում, պնդում են պաղեստինյան հեռուստաալիքները։ Փոխանցում է RT на русском տելեգրամյան ալիքը:
Համացանցում հայտնվել են կադրեր, որոնք, ըստ երևույթին, եղել են հրթիռների հարվածների հետևանքները: Ավելի վաղ Իսրայելի պաշտպանության բանակը հայտնել էր, որ Իսրայելի կենտրոնական հատվածում ավիահարվածի մասին ահազանգ է հայտարարվել։
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին:
