Քաղաքականություն

ՀԱՄԱՍ-ը նշել է որոշ պատանդների ազատ արձակման պայմանները

ՀԱՄԱՍ-ը նշել է որոշ պատանդների ազատ արձակման պայմանները
ՀԱՄԱՍ-ը նշել է որոշ պատանդների ազատ արձակման պայմանները։ Այս մասին տեղեկանում ենք BBC-ից։  ՀԱՄԱՍ-ի ներկայացուցիչն ասել է, որ խմբավորումը պատրաստ է ազատ արձակել Իսրայելում գերի ընկած…

ՀԱՄԱՍ-ը նշել է որոշ պատանդների ազատ արձակման պայմանները։ Այս մասին տեղեկանում ենք BBC-ից։ 

 

ՀԱՄԱՍ-ի ներկայացուցիչն ասել է, որ խմբավորումը պատրաստ է ազատ արձակել Իսրայելում գերի ընկած պատանդներից մի քանիսին, բայց միայն այն պայմանով, որ Իսրայելը դադարեցնի իր ռազմական գործողությունն իսլամիստների դեմ։

 

«Մենք պատրաստ ենք ազատ արձակել խաղաղ բնակիչներին, սակայն ցանկանում ենք, որ իսրայելական զորքերը դադարեցնեն ագրեսիան»,- ասել է ՀԱՄԱՍ-ի քաղբյուրոյի անդամ Մոհամմադ Նազալը կատարյան «Ալ Ջազիրա» հեռուստաալիքին տված հարցազրույցում։ 

 

Նա գերիներին բաժանել է երեք կատեգորիայի՝ քաղաքացիական, զինվորական և վերաբնակիչներ, և ասել է, որ ՀԱՄԱՍ-ը պատրաստ է քննարկել միայն խաղաղ բնակիչների ազատ արձակումը:

 

Հիշեցնենք՝ երեկ՝ հոկտեմբերի 20-ին, ՀԱՄԱՍ-ն ազատ է արձակել երկու պատանդների՝ ԱՄՆ քաղաքացիներ Ջուդիթ և Նատալի Ռաանաններին։ Գրոհայինների ռազմական թեւը բացատրել է, որ որոշումը կայացվել է «մարդասիրական նկատառումներով»։ Կատարը միջնորդի դեր է կատարել բանակցություններում։ Հրապարակվել են նաև կադրեր։

 

Հավելենք, որ ՀԱՄԱՍ-ի պատանդների ցուցակում ընդգրկված անձանց թիվը հասել է 210-ի։ Այս մասին հայտնել է Իսրայելական բանակը և նշել, որ այդ թիվը վերջնական չէ։


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250