Շատերի մոտ տպավորություն էր, թե խաղաղության պայմանագրի միակ խոչընդոտն Արցախն է. Աբրահամյան

Շատերի մոտ այնպիսի տպավորություն էր, թե Հայաստանի և Ադրբեջանի միջև նախապատրաստվող խաղաղության պայմանագրի ստորագրման համար միակ խոչընդոտը կամ խնդիրն Արցախն էր, և Ադրբեջանի կողմից ուժի կիրառումից հետո հարցը փաստացի լուծվել է։ Այս մասին այսօր Ազգային ժողովում ճեպազրույցի ժամանակ այս մասին ասաց ԱԺ «Պատիվ ունեմ» խմբակցության քարտուղարՏիգրան Աբրահամյանը։   

«Շատերի մոտ տպավորություն է ձևավորվել, որ Հայաստանի և Ադրբեջանի միջև խաղաղության հաստատման խոչընդոտը եղել է Արցախը և որ Արցախում Ադրբեջանի կողմից ուժի կիրառումից հետո այդ հարցը փաստացի լուծվել է։

Իրականության մեջ ՀՀ-Ադրբեջան չակերտավոր խաղաղության պայմանագիրը միայն Արցախի բլոկը չէր, կան մեծ թվով խնդիրներ, որոնք խնդիրներ էին առաջացնում Հայաստան-Ադրբեջան հարաբերություններում, և որոնք խոչընդոտում էին այդ պայմանագրի ստորագրմանը»,- ասել է նա։

Տիգրան Աբրահամյանի խոսքով՝ առաջինը խոչընդոտը սահմաններ դելիմիտացիայի ու դեմարկացիայի գործընթացն է։

«Այս հարցի շուրջ Հայաստանի ու Ադրբեջանի մոտեցումները բավականին տարբերվում են։ Ադրբեջանը այս ընթացքում փորձել է առաջ բերել տարբեր կեղծ քարտեզներ, որպես սկզբունք չի ուզում հիմք ընդունել մեկ քարտեզ, առաջ է բերում սկզբունքներ, որոնք չեն կարող լինել բանակցությունների հիմքում։

Երկրորդը կոմունիկացիաների ապաշրջափակման  հետ կապված հարցերն են, սրա տակ Ադրբեջանը փորձում է առաջ մղել այսպես կոչված «Զանգեզուրյան միջանցքի» հանգամանքը  ու բնականաբար այս թեման ևս մեծ խոչընդոտներ է ստեղծում Հայաստանի ու  Ադրբեջանի միջև հնարավոր ստորագրվելիք փաստաթղթղերում»,- ընդգծել է պատգամավորը։

Խմբակցության քարտուղարի խոսքով Արցախի հարցը այս գործընթացում եղել է կեղծ խոչընդոտ։

«Իրականության մեջ Արցախի հարցում կար կոմպրոմիս Հայաստանի ու Ադրբեջանի միջև, դրա արտացուլումը վերջին մեկուկես տարվա ընթացքում  ՀՀ իշխանությունների հնչեցրած հայտարարություններն էին  Արցախը Ադրբեջանի կազմում ճանաչելու վերաբերյալ և բնակաբար այս հարցը չէր կարող որևէ խոչընդոտ առաջացնել պայմանագրի ստորագրան հարցում»,- խորհրդարանական ճեպազրույցների ժամանակ ասել է Տիգրան Աբրահամյանը։