Պաղեստին պետություն չի լինելու․ Իսրայելի ԱԳ նախարար
Իսրայելի ԱԳ նախարար Գիդեոն Սաարը Վաշինգտոնում ԱՄՆ պետքարտուղար Մարկո Ռուբիոյի հետ հանդիպումից հետո հայտարարել է, որ Պաղեստինը որպես պետություն գոյություն չի ունենա։ Այս մասին հաղորդում է Reuters-ը:
«Իսրայելի արտաքին գործերի նախարար Գիդեոն Սաարը, օգոստոսի 27–ին պատասխանելով Պաղեստին պետության ստեղծման ծրագրերի մասին հարցին, հայտարարել է, որ նման բան չի լինելու»,-ասվում է հրապարակման մեջ:
Պաղեստին պետությունը ճանաչում է 147 երկիր, այդ թվում են Հայաստանը և ՌԴ-ն։ 2024 թվականին ԱՄՆ-ն վետո է դրել ՄԱԿ-ին Պաղեստինի լիիրավ անդամակցության վրա։
Ֆրանսիայի նախագահ Էմանուել Մակրոնը հուլիսի 24-ին հայտարարել է, որ Ֆրանսիան սեպտեմբերին ՄԱԿ-ի Գլխավոր ասամբլեայի նիստում պաշտոնապես կճանաչի Պաղեստին պետությունը:
