![«Մենք ամբողջական շրջափակման մեջ ենք, արդեն ռուսն էլ ռիսկ չի անում թույլ տա դուրս գանք․ սա վերջն է»․ գյուղապետ](https://auroranews.am/storage/img/base_image/old/ae2e2187f5d5105097efaa965553a4d6.webp)
«Մենք ամբողջական շրջափակման մեջ ենք, արդեն ռուսն էլ ռիսկ չի անում թույլ տա դուրս գանք․ սա վերջն է»․ գյուղապետ
![«Մենք ամբողջական շրջափակման մեջ ենք, արդեն ռուսն էլ ռիսկ չի անում թույլ տա դուրս գանք․ սա վերջն է»․ գյուղապետ](https://auroranews.am/storage/img/base_image/old/ae2e2187f5d5105097efaa965553a4d6.webp)
Արցախի Շուշիի շրջանի Մեծ Շեն գյուղը շրջափակման մեջ է, բնակիչների տարհանում չենք կարողանում անել, այս պահին էլ կրակում են: Այս մասին NEWS.am-ին պատմել է Մեծ Շենի գյուղապետ Դավիթ Դավթյանը:
«Զինադադար մեր հատվածում չկա: Դեռ մեր գյուղի մեջ չեն խփել, բայց կողքերն են խփում: Անտանելի վիճակում ենք: Եղցահողից տարհանում հաջողվել է անել, բայց մեր գյուղից տարհանում չենք կարողացել անել, կանայք, ծերեր, երեխաներ... բոլորն այստեղ են: Եղցահողն արդեն չկա, հողին են հավասարեցրել, այնտեղ էլ մարդ չկա: Անորոշություն է, չգիտենք՝ ոնց անենք: Մենք ամբողջական շրջափակման մեջ ենք: Գյուղից զոհեր ու վիրավորներ չունենք, բայց մեր ընդհանուր տարածքից շատ զոհեր ունենք, շատերի տեղը չգիտենք»,- մանրամասնել է գյուղապետը:
Նա նշել է, որ հարակից Հին Շենի առավելությունն այն է, որ այնտեղ ռուս խաղաղապահներ կան:
«Բայց հասկանում եք, չէ՞, արդեն ռուսն էլ ռիսկ չի անում թույլ տա դուրս գանք: Սա վերջն է: Սրանից էն կողմ էլ բան չկա, չի էլ լինի», – ասել է Դավթյանը: