Չինաստանի ԱԳՆ-ն պատասխանել է Պոդոլյակի՝ տվյալ երկրի «թույլ մտավոր ներուժի» մասին հայտարարությանը

Ուկրաինայի իշխանությունները պետք է պարզաբանեն Ուկրաինայի նախագահի գրասենյակի ղեկավարի խորհրդական Միխայիլ Պոդոլյակի հայտարարությունը Չինաստանի և Հնդկաստանի «թույլ մտավոր ներուժի» մասին: Այս մասին հայտարարել Է Չինաստանի ԱԳՆ պաշտոնական ներկայացուցիչ Մաո Նինը։ 

Մաո Նինը նշել է, որ նման հայտարարությունները պարզաբանում են պահանջում։

Հիշեցնենք՝ ավելի վաղ Ուկրաինայից հայտարարել էին, որ Հնդկաստանն ու Չինաստանը «թույլ մտավոր ներուժ» ունեն: Ուկրաինայի նախագահի գրասենյակի ղեկավարի խորհրդական Միխայիլ Պոդոլյակի խոսքով՝ այդ երկրները չեն վերլուծում սեփական քայլերի հետևանքները, բայց միևնույն ժամանակ արդյունավետ գումար են վաստակում Ուկրաինական հակամարտությունից։