![«Երջանիկ ավարտ չի լինի». Զելենսկին մեկնաբանել է ուկրաինական հակահարձակման առաջընթացը](https://auroranews.am/storage/img/base_image/old/387416a1cb2cf1a62707d6d74bfae1a1.webp)
«Երջանիկ ավարտ չի լինի». Զելենսկին մեկնաբանել է ուկրաինական հակահարձակման առաջընթացը
![«Երջանիկ ավարտ չի լինի». Զելենսկին մեկնաբանել է ուկրաինական հակահարձակման առաջընթացը](https://auroranews.am/storage/img/base_image/old/387416a1cb2cf1a62707d6d74bfae1a1.webp)
Ուկրաինայի նախագահ Վլադիմիր Զելենսկին հայտարարել է, որ Ուկրաինայի զինված ուժերի հակահարձակումը «երջանիկ ավարտ» չի ունենա, այդ թվում՝ այն պատճառով, որ երկիրն արդեն «շատ մարդկանց է կորցրել»։ Այս մասին Զելենսկին ասել է CNN-ին տված հարցազրույցում։ Նա նշել է, որ ռազմական գործողությունները «մեկուկես ժամվա ֆիլմ չէ»։
«Մենք բոլորս ցանկանում ենք հաջողության հասնել և ունենալ երջանիկ ավարտ: Նախ՝ սա մեկուկես ժամանոց ֆիլմ չէ, սա հակահարձակում է։ Սա երջանիկ ավարտով ֆիլմ չէ, մենք երջանիկ ավարտ չենք ունենա, մենք շատ մարդկանց կորցրինք։ Հաճելի ավարտ չի լինի։ Մենք պետք է դա ընդունենք»,- ընդգծել է Զելենսկին։
Ուկրաինական հակահարձակումը շարունակվում է ամռան սկզբից։ Վլադիմիր Զելենսկին հուլիսին խոստովանել էր, որ դա ընթանում է «ավելի դանդաղ, քան մենք կցանկանայինք»։ Սեպտեմբերի սկզբին ուկրաինացի առաջնորդն ասել էր, որ Ուկրաինայի զինված ուժերը «անկախ ամեն ինչից առաջ են շարժվում»։