«Սյունիքը մեր քարտեզի վրա այնտեղ է, որտեղ պետք է լինի». Ֆրանսիայի դեսպանը հերքել է հերթական կեղծիքը
Հայաստանում Ֆրանսիայի դեսպանը հերքել է հերթական կեղծիքը։
Կեղծ հրապարակման մեջ, որի սքրինշոթը Օլիվյե Դեկոտինյին կցել է հաղորդագրությանը, ասվում է, որ Ֆրանսիայի դեսպանատունն իբր խնդրում է իր քաղաքացիներին զերծ մնալ ՀՀ Սյունիքի մարզ այցելելուց. այդ մաիսն նա գրել է Թվիթերի իր միկրոբլոգում:
Բացի այդ, իրենց կեղծիքը հեղինակները ակամա բացահայտել են «պատմական» նշումով, թե 1921 թվականին Սյունիքը «սխալմամբ անցել է» Խորհրդային Հայաստանին։ Հրապարակմանը կցվում է նաև Հայաստանի քարտեզն առանց Սյունիքի (կրկին Ֆրանսիայի դեսպանատան անունից)։
«Ոչ մի նոր բան: Զբոսաշրջիկների համար մեր առաջարկությունները վերջին անգամ թարմացվել են 2023 թվականի հուլիսի 18-ին: Եվ Հայաստանի Սյունիքի մարզը ներառված է Հայաստանի մեր քարտեզում, ինչպես որ պետք է լինի»,- գրել է նա:
