Ուկրաինան սկսել է հացահատիկ արտահանել խորվաթական նավահանգիստներով
Ուկրաինայի էկոնոմիկայի նախարար Յուլիա Սվիրիդենկոն հայտնել է, որ ուկրաինական հացահատիկը սկսել է արտահանվել Խորվաթիայի նավահանգիստներով։ Այս մասին գրում է Gazeta.ru-ն:
«Մենք պատրաստ ենք զարգացնել այն՝ ընդլայնելով տրանսպորտային միջանցքի հնարավորությունները»,- ասել է նա։
Սվիրիդենկոյի խոսքով՝ Կիևը կարծում է, որ լոգիստիկ այս երթուղին կարևոր դեր կխաղա Ուկրաինայի և Խորվաթիայի միջև երկկողմ առևտրում նույնիսկ զինված հակամարտությունից հետո։
Այս շաբաթ Ուկրաինայի նախագահ Վլադիմիր Զելենսկին, ելույթ ունենալով «Երեք ծովերի» նախաձեռնությանը մասնակցող երկրների գագաթնաժողովին, սպառնաց Եվրամիությանը դատարանով, եթե ուկրաինական գյուղատնտեսական արտադրանքի ներմուծման սահմանափակումները երկարացվեն:
