Ֆրանսիան Նիգերից դուրս է բերում իր զորքը․ Le Monde

Ֆրանսիան սկսում է իր ուժերը Նիգերից դուրս բերելու գործընթացը։ Այս մասին հայտնում է Le Monde թերթը՝ վկայակոչելով իր աղբյուրները։  

Ֆրանսիան բանակցություններ է սկսել Նիգերի զինվորականների հետ՝ աֆրիկյան այս երկրից իր որոշ ստորաբաժանումների դուրսբերման հնարավորության շուրջ։ Ներկայում Նիգերում մոտ 1500 ֆրանսիացի զինվորական կա։

Ավելի վաղ Ֆրանսիայի արտաքին գործերի նախարար Քեթրին Կոլոնան հայտարարել էր, որ Նիգերում ֆրանսիական զորքերը դե ֆակտո չեն կարողանում կատարել Նիգերի զինվորականներին պատրաստելու, ինչպես նաև ահաբեկչության դեմ պայքարում նրանց օգնելու խնդիրները։