ԵՄ-ն կօգտվի G20-ի գագաթնաժողովում Ռուսաստանի և Չինաստանի ղեկավարների բացակայությունից․ ԶԼՄ
Եվրամիությունը նախատեսում է օգտվել սեպտեմբերին Հնդկաստանում կայանալիք G20 գագաթնաժողովում Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի բացակայությունից, որպեսզի վերանայի իր գործընկերությունը Աֆրիկայի հետ: Այս մասին գրում է Bloomberg-ը՝ վկայակոչելով իր աղբյուրներին։
«G20-ի եվրոպական անդամները ցանկանում են ակտիվացնել ներգրավվածությունը հարավի երկրների հետ՝ գագաթնաժողովի շրջանակում աֆրիկյան առաջնորդների հետ բարձր մակարդակի հանդիպումների միջոցով», - հայտնում է գործակալությունը։
Ըստ Bloomberg-ի աղբյուրների՝ ԵՄ-ն հույս ունի օգտվել Պուտինի և Սի Ցզինպինի բացակայությունից և ցույց տալ, որ «լրջորեն է վերաբերվում Աֆրիկայի հետ իր գործընկերության վերանայմանը, չնայած գաղութատիրության դժվարին ժառանգությանը»:
