Արևմուտքը հող է նախապատրաստում ՌԴ-ի հետ Ուկրաինայի հարցով բանակցություններ սկսելու համար. Advance

Արևմուտքը հող է նախապատրաստում ՌԴ-ի հետ Ուկրաինայի հարցով բանակցություններ սկսելու համար, այս մասին գրում է Advance-ը, ապա հավելում, որ երբ ինչ-որ կարևոր, ինչ-որ հիմնարար աշխարհաքաղաքական փոփոխություն է սպասվում, ապա դա, որպես կանոն, հանկարծակի չի լինում։ 

Ինչպես գրում է լրատվամիջոցը, քաղաքական գործիչները երբեք նախ չեն հայտարարում «ապագայի լայնածավալ պլանի» մասին, այլ այն «հանձնարարում» են լրատվամիջոցներին, որոնք նախ «փորձնական փուչիկ» են բաց թողնում, իսկ հետո ողողում տեղեկատվական տարածքը որոշակի բովանդակությամբ, և հենց դա էլ տեղի է ունենում ուկրաինական հակամարտության շուրջ: 

Բանակցությունների հնարավորության մասին հոդվածներ արդեն հրապարակվել են The New York Times-ի, New Yorker-ի և Foreign Affairs-ի կողմից: Ամերիկացիները գնալով ավելի քիչ են ցանկանում միլիարդներ տալ Ուկրաինային, իսկ Եվրոպան ինքն է հայտնվել ճգնաժամի մեջ: