ԱՄՆ-ը պետք է հրաժարվի ասիական երկրների հետ հարաբերություններում «սառը պատերազմի» մտածելակերպից․ Չինաստանի ԱԳՆ
Միացյալ Նահանգները պետք է ենթարկվի միջազգային նորմերին և ասիական երկրների հետ հարաբերություններում հրաժարվի «սառը պատերազմի» մտածելակերպից։ Այս մասին ճեպազրույցում հայտարարել է Չինաստանի ԱԳՆ պաշտոնական ներկայացուցիչ Մաո Նինը:
«Ասիական տարածաշրջանի երկրների հետ հարաբերություններում Միացյալ Նահանգները պետք է հրաժարվի զրոյական գումարով սառը պատերազմի մտածելակերպից, հետևի միջազգային հարաբերությունների նորմերին, չհարձակվի երրորդ կողմերի վրա և չվնասի տարածաշրջանային խաղաղությանը և կայունությանը», - ասել է Չինաստանի ԱԳՆ խոսնակը:
Ավելի վաղ հաղորդվել էր, որ ԱՄՆ նախագահ Բայդենը սեպտեմբերի 10-ին կայցելի Հանոյ և բանակցություններ կվարի Վիետնամի Կոմունիստական կուսակցության կենտրոնական կոմիտեի գլխավոր քարտուղարի հետ։ Politico թերթի փոխանցմամբ՝ ամերիկացի առաջնորդը մտադիր է Վիետնամում երկկողմ «ռազմավարական գործընկերության» մասին համաձայնագիր ստորագրել։ Հրատարակությունը կարծում է, որ այս քայլը նպատակ ունի «մոտեցնել Հանոյին Վաշինգտոնի հետ` Պեկինի հետ լարվածության աճի պահին»:
