Կիևը Արևմուտքից 2022 թվականի փետրվարից ստացել է 100 միլիարդ դոլար օգնություն, Укринформ–ին տված հարցազրույցում ասել է Ուկրաինայի պաշտպանության նախարար Ալեքսեյ Ռեզնիկովը։ 

«Եթե այսօր հաշվարկենք և գնահատենք օգնության բոլոր փաթեթները, կարծում եմ՝ արդեն ստացել ենք մոտ 100 միլիարդ դոլար»,- ասել է նախարարը։

Ռեզնիկովը պարզաբանել է, որ միայն ԱՄՆ-ից ստացվել է ավելի քան 50 միլիարդ դոլար, «արդեն հասնում է մոտ 60 միլիարդ դոլարի»։ 

Նախարարը հավելել է, որ գերատեսչության բյուջեի մեծ մասն ուղղվում է զինվորականների դրամական նպաստին և փոխհատուցմանը։ 

Օգոստոսի 29-ին ԱՄՆ պետքարտուղար Էնթոնի Բլինքենը հայտարարեց Ուկրաինային 250 միլիոն դոլար արժողությամբ ռազմական օգնության նոր փաթեթի մասին: Պետքարտուղարը մանրամասնեց, որ նոր փաթեթը պարունակում է միջոցներ, որոնք կօգնեն Ուկրաինային մարտի դաշտում, այդ թվում՝ հակաօդային պաշտպանության AIM-9M հրթիռներ, բարձր շարժունակ հրետանային հրթիռային համակարգերի զինամթերք, 155 մմ և 105 մմ հրետանային զինամթերք և այլն։