![Զոհված Արսեն Մկրտչյանը 25-օրյա վարժական հավաքի մասնակից էր․ երրորդ երեխային էին սպասում](https://auroranews.am/storage/img/base_image/old/d8a4c745db8176238842a9a161d4f52a.webp)
Զոհված Արսեն Մկրտչյանը 25-օրյա վարժական հավաքի մասնակից էր․ երրորդ երեխային էին սպասում
![Զոհված Արսեն Մկրտչյանը 25-օրյա վարժական հավաքի մասնակից էր․ երրորդ երեխային էին սպասում](https://auroranews.am/storage/img/base_image/old/d8a4c745db8176238842a9a161d4f52a.webp)
Սոթքի հատվածքում տեղակայված հայկական դիրքում ադրբեջանական զինված ուժերի հարձակման հետեւանքով զոհված 37-ամյա Արսեն Մկրտչյանը Արարատի մարզի Ռանչպար գյուղից էր: NEWS.am-ի հետ զրույցում Ռանչպարի գյուղապետ Վահան Վարդանյանը պատմեց, որ Արսեն Մկրտչյանը 25-օրյա վարժական հավաքի մասնակից էր:
«Արսենը մեկ եղբայր եւ մեկ քույր ուներ, եղբայրը ՌԴ-ում է ապրում: Ծնողների հետ էր ապրում: Ամուսնացած էր, երկու անչափահաս դուստր ուներ, կինը հղի է: Հիմնականում գյուղատնտեսությամբ էր զբաղվում: Համեստ ու հարգանքով տղա էր: Սոցիալապես միջին վիճակում էին գտնվում»,- պատմեց Ռանչպարի գյուղապետը:
Նշենք, որ քիչ առաջ պաշտպանության նախարարությունը հայտնեց 4 զոհի և 1 վիրավորի մասին։
ՊՆ-ն քիչ առաջ տեսանյութ էր տարածել, որում երևում է, թե ադրբեջանական կողմն ինչպես է լրացուցիչ միջոցներ կենտրոնացնում Սոթքի ուղղությամբ։
Հիշեցնենք՝ այսօր առավոտյան ՀՀ պաշտպանության նախարարությունը հայտնեց, որ թշնամին օգոստոսի 31-ին պարբերաբար ապատեղեկատվություն տարածելով ու այդպիսով հերթական սադրանքի համար տեղեկատվական հիմք ստեղծելով, սեպտեմբերի 1-ին՝ ժամը 07:50-ից սկսած, ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ:
Կեղծ խաղարարար Ադրբեջանի սադրանքի հետևանքով հայկական կողմն ունի 2 զոհ և մեկ վիրավոր։
ՊՆ-ն ավելի վաղ հայտնել էր նաև, որ թշնամին ականանետ է կիրառում։