Մի քանի օրից զոհված Անդրանիկի ծննդյան օրն էր
Այսօր զոհված Անդրանիկ Անտոնյանը Արարատի մարզի Նորաբաց գյուղից էր։ Տեղի համայնքապետն Auroranews-ի հետ զրույցում նշեց, որ Անդրանիկը 25-օրյա վարժական հավաքի մասնակից էր։
«Ամուսնացած չէր, երկու քույր ունի, հայրն ու մայրն էլ քիչ առաջ են իմացել։ Սեպտեմբերի 20-ին նրա ծննդյան օրն էր՝ 36 տարեկան էր դառնալու։ Տեխնիկա ուներ, հողագործությամբ էր զբաղվում», - պատմեց վարչական ղեկավարը։
Հիշեցնենք, որ այսօր առավոտվանից լարված իրավիճակ է Գեղարքունիքի մարզում, Ադրբեջանի ԶՈՒ ստորաբաժանումները ականանետերից ու հրաձգային այլ զինատեսակներից կրակ են բացել Սոթքի ու Նորաբակի ուղղությամբ տեղակայված հայկական դիրքերի ուղղությամբ: Այս պահի դրությամբ ՊՆ-ն հայտնել է չորս զոհի և մեկ վիրավորի մասին:
Իրավիճակը շարունակում է լարված մնալ:
