Գերմանիան Ադրբեջանին և Ռուսաստանին կոչ է անում բացել Լաչինի միջանցքը․ Անալենա Բերբոկ
Իրավիճակը Լեռնային Ղարաբաղում աղետալի է: Այս մասին այսօր լրագրողների հետ ճեպազրույցի ընթացքում ասել է Գերմանիայի արտաքին գործերի նախարար Անալենա Բերբոկը։
Նա մասնավորապես նշել է․ «Լեռնային Ղարաբաղում իրադրությունը աղետալի է։ Դեղորայքը, սնունդը, էլեկտրաէներգիան անբավարար են։ Գերմանիան Ադրբեջանին և Ռուսաստանին կոչ է անում բացել Լաչինի միջանցքը։ ԼՂ բնակիչները վերջապես պետք է ստանան այն, ինչ իրենց պետք է կյանքի կազմակերպման համար»։
Հիշեցնենք՝ Արցախն արդեն 264 օր է շրջափակման մեջ է։
