ՏԵՍԱՆՅՈՒԹ․ Ստեփանակերտում բարձրացրել են Ֆրանսիայի դրոշը՝ ի նշան երախտագիտության
Արցախի մայրաքաղաք Ստեփանակերտի Ֆրանսիայի հրապարակում բարձրացրել են Ֆրանսիայի դրոշը՝ ի նշան երախտագիտության:
Արցախցի լրագրող Մարութ Վանյանը տեսանյութ է հրապարակել և կից գրել․ «Նույնիսկ, եթե դուք այսօր չեք հասնում այստեղ, ես կցանկանայի ասել «Merci Beaucoup» (շնորհակալություն)»:
Նշենք, որ այսօր՝ օգոստոսի 30-ին Փարիզի քաղաքապետ Անն Իդալգոն Հայաստան է ժամանել՝ այցելելու Լաչինի միջանցքի սկզբնամաս և ուղեկցելու Ֆրանսիայից ժամանած մարդասիրական բեռներով ավտոշարասյունը, որը նախատեսված է Արցախի համար: Այս պահին շարասյունը Կոռնիձորի հատվածում է:
Հիշեցնենք՝ Փարիզի քաղաքապետ Անն Իդալգոն իր X (նախկին թվիթեր) էջում լուսանկար է հրապարակել ֆրանսիացի այլ շրջանների ղեկավարների հետ դեպի Արցախ տանող ճանապարհից։
