Դավիթ Տոնոյանը կմնա կալանքի տակ

Պաշտպանության նախկին նախարար Դավիթ Տոնոյանը կշարունակի մնալ կալանքի տակ։ Այս մասին տեղեկանում ենք Tert.am-ից, որին հայտնել է նրա փաստաբան Ավետիք Կարապետյանը։

Նա նշել է, որ Հակակոռուպցիոն դատարանը մերժել է Դավիթ Տոնոյանի խափանման միջոցը փոխարինելու միջնորդությունը:

Հիշեցնենք, որ Տոնոյանը մեղադրվում է իր պաշտոնավարման ընթացքում գերատեսչության ռազմամթերքի մատակարարման գործընթացում չարաշահում կատարելու առթիվ քննվող գործով: ԱԱԾ-ի հաղորդագրության համաձայն՝ Դավիթ Տոնոյանն ու գործարար Դավիթ Գալստյանը մեղադրվում են առանձնապես խոշոր չափերով՝ 2,277,323,840 ՀՀ դրամ գումար հափշտակելու և կեղծիքներ, հանրորեն վտանգավոր արարքներ կատարելու համար: